АҚШнинг MLS лигаси ассоциацияси 2025 йил 1 октябрь ҳолатига кўра лига футболчиларининг маошлар рейтингини эълон қилди. Энг кўп маош олувчи футболчилар рейтингида “Интер Майами” ҳужумчиси Лионель Месси етакчиликни қилмоқда. Ҳозирда унинг йиллик даромади 20,4 миллион долларни ташкил этади.
Иккинчи ўриндан ёзда “Тоттенҳэм”дан “Лос-Анжелес” клубига ўтган Сон Ҳён Мин жой олган. Жанубий кореялик футболчи йилига 11,2 миллион доллар маош олади. Кучли учликни “Интер Майами” ярим ҳимоячиси Серхио Бускетс (8,8 миллион доллар) якунлайди. Шунингдек, Мигел Альмирон (“Атланта Юнайтед”, 6,1 млн доллар) ва Ирвинг Лосано (“Сан-Диего”, 6 млн доллар) каби футболчилар кучли учликдан жой олган.
MLS клублари орасида футболчилар маошига энг кўп харажат қилаётган жамоа — “Интер Майами”. Мазкур клуб бу учун рекорд даражадаги 48,97 миллион доллар сарфлайди. Иккинчи ўринда “Лос-Анжелес” (30,1 млн доллар), учинчи ўринда эса “Атланта” (28,48 млн доллар) жой олган. Маошлар учун энг кам сарфлайдиган клуб эса “Монреаль Импакт” бўлиб, у футболчилар учун йилига атиги 12,92 миллион доллар тўлайди.
