“Барселона” клуби ҳимоячиси Алехандро Балде фаолиятини Англия Премьер Лигасида давом эттириши мумкин. Футболчига “Манчестер Сити” жиддий қизиқиш билдирмоқда. Бу ҳақда TeamTALK нашри хабар берди.
Манбага кўра, “шаҳарликлар” бош мураббийи Хосеп Гвардиола Балдени жамоага олисб келишни истамоқда. У “Барселона” спорт директори Деку билан футболчинининг трансфери бўйича суҳбатлашган.
“Манчестер Сити” 2023-йилда “Барселона”нинг молиявий муаммоларидан фойдаланиб, Балдени сотиб олишга ҳаракат қилиб кўрган, бироқ каталонияликлар бунга розилик бермаган. Ҳозир ҳам бу трансфернинг амалга ошиш эҳтимоли паст баҳоланмоқда, чунки “Барселона”нинг молиявий ҳолати барқарорлашган, Балде эса жамоанинг асосий етакчиларидан бирига айланган.
Аммо Гвардиола ҳимоячини ўз услубига мукаммал мос футболчи деб билади ва трансфердан воз кечмоқчи эмас. Шунинг учун “Манчестер Сити” ёзги трансфер ойнаси вақтида Алехандрони сотиб олишга яна бир бор уриниб кўради.
21 ёшли испаниялик футболчининг “Барселона” билан амалдаги шартномаси 2028-йилгача мўлжалланган. Transfermarkt портали Балденинг қийматини 60 миллион еврога баҳоламоқда.
