Американинг Tomahawk қанотли ракеталарининг Украинага топширилиши Россиянинг 2000 га яқин ҳарбий объектларини йўқ қилиш хавфини туғдиради. Беларусь президенти Александр Лукашенко бу ҳолат кескинлашувга ва дунёни ядро уруши ёқасига олиб келишини айтди.
Лукашенконинг сўзларига кўра, Россия раҳбарияти “Украинада тинчлик ўрнатишни” мақсад қилган.
“Ҳеч қандай президенти (Украинадаги урушни тўхтатишни) масалани ҳал қилмайди. Бу ядро урушигача бўлган вазиятни кескинлаштиради. Эҳтимол, буни (АҚШ президенти) Дональд Трамп ҳаммадан кўра яхшироқ тушунади, у президент Зеленский умид қилганидек, бу ўлим қуролини беришга ва Россиянинг ичкарисига зарба беришга рухсат беришга шошилмаяпти”, дея унинг сўзларини келтирди “Белта”.
Трамп журналистларга парвоз масофаси 1600 дан 2500 км гача бўлган Tomahawk ракеталарини Киевга топширишни Путин билан муҳокама қилиши мумкинлигини айтганди.
“Эҳтимол, қулоқ сол, агар бу уруш ҳал қилинмаса, мен уларга Tomahawk юбораман, деб айтаман. Мен уларни жўнатишим мумкин. Tomahawk — ақл бовар қилмайдиган қурол, ўта ҳужумкор. Тўғрисини айтганда, Россияга бу керак эмас”, деган Трамп.
Зеленский ва Путин муносабати
Зеленский, ўз навбатида, Tomahawk Вашингтон томонидан берилган тақдирда, зарбалар фақат Россия ҳарбий нишонларига, жумладан, энергетика инфратузилмаси объектларига берилишига ишонтирди.
Путин эса Украинани ушбу ракеталар билан таъминлаш “кескинликни кучайтириши” ва Вашингтон билан муносабатларни “бузиши” ҳақида огоҳлантирди. У Россия ҳаво мудофааси Америка ракеталарини уриб туширишга тайёрлигини, Киевнинг улардан фойдаланишининг ўзи жанг майдонидаги кучлар нисбатини ўзгартирмаслигини таъкидлади.
АҚШ ва Украина президентлари учрашуви
17 октябрь куни Трамп ва Зеленский Вашингтонда Tomahawk масаласида учрашиши кутилмоқда. Украина президенти музокараларда ракеталарни беришни сўраши мумкин.
“У Tomahawk’ка эга бўлишни истарди. Ҳамма Томаҳаwкʻни истайди. Бизда улар кўп”, деган АҚШ раҳбари.
Америка Урушни ўрганиш институти (ISW) хабар беришича, агар Киев Tomahawk ракеталарини қўлга киритса, 1945 тагача Россия ҳарбий обектлари шикастланиш зонасида бўлади.
