ҲАМАС ҳаракати Ғазода уруш тугаганини эълон қилди.
Бу ҳақида Reuters агентлиги ҳаракат раҳбари Халил ал-Ҳаянинг сўзларига асосланиб хабар берди. Исроил ва ҲАМАС ўртасидаги сулҳ тузилди.
Келишувга кўра, Рафаҳ чегара пунктининг ҳар икки йўналиши тўлиқ очилади. Шунингдек, сулҳ Исроил томонидан қамоқдаги барча фаластинлик аёллар ва болалар озод этилишини назарда тутади.
ҲАМАС, шунингдек, АҚШ, воситачи бўлган араб давлатлари ва Туркиядан Ғазодаги уруш якунлангани ҳақида кафолат олди.
Исроил ва ҲАМАС ўртасидаги мазкур уруш 2023 йил 7 октябрда бошланган. Ўшанда ҲАМАС Исроилга ракета зарбалари йўллаган ва кўплаб одамларни гаровга олган. Бунга жавобан Исроил Ғазо секторига қуруқликдан ҳужум уюштирди ва ҳарбий ҳаракатларни бошлади. Томонлар ўртасида ўтган вақт давомида бир неча бор оташкесим эълон қилинганди. Аммо уруш тўлиқ тугагани бўйича биринчи марта баёнот берилмоқда.
