Ўзбекистон Суперлигаси 24-туридан ўрин олган “Бунёдкор” ва “Насаф” жамоалари ўртасидаги баҳс 4 октябрь, шанба куни Тошкентдаги “Олимпия” стадионида бўлиб ўтди. Қизиқарли ва голларга бой ўтган баҳсда томонлар 2:2 ҳисобида дуранг ўйнади.
Учрашувдаги ҳисоб 14-дақиқада Имеда Ашортия томонидан очилди. Орадан 5 дақиқа ўтиб “Насаф” ҳисобни тенглаштирди. Бурчакдан узатиб берилган тўпни Алибек Давронов бош билан киритиб, таблодаги натижани 1:1 кўринишга келтириб қўйди. 40-дақиқада “Бунёдкор” яна ҳисобда олдинга чиқиб олди. Амир Тўрақулов узоқ масофадан зарба йўллаб, Абдувоҳид Неъматов қўриқлаётган дарвозани ишғол қилди — 2:1. Иккинчи бўлимнинг 58-дақиқасида ҳисоб яна тенглашди. Ҳусайн Норчаев “Бунёдкор” дарвозасига гол киритиб, умумий натижани тенглаштирди. Ўйин якуни арафасида қаршиликлар ғалабани илиб кетиши мумкин эди, бироқ Норчаев ҳакам томонидан белгиланган пенальтини голга айлантира оламди. Натижада ўйин 2:2 ҳисобида якунланди ва жамоалар 1 очкодан бўлишиб олди.
Мазкур натижадан кейин “Насаф” ҳисобидаги очколар сони 53 тага етди. Жамоа ҳозирда турнир жадвалининг 1-поғонасини эгаллаб турибди. “Бунёдкор” эса 40 очко 5-ўринни банд этган.
Ўзбекистон Суперлигаси
24-тур
“Бунёдкор” — “Насаф” 2:2
Голлар: 1:0 — Ашортия (14), 1: 1 — Давронов (19), 2:1 — Тўрақулов (40), 2:2 — Норчаев (58);
