Ўзбекистон Суперлигаси 23-туридан ўрин олган “Насаф” ҳамда “Хоразм” жамоалари ўртасидаги баҳс 25 сентябрь, пайшанба куни Қаршидаги “Марказий” стадионда бўлиб ўтди. Қизиқарли кечган учрашувда майдон эгалари 2:1 ҳисобида зафар қучди.
Учрашувдаги ҳисоб 45-дақиқада меҳмонлар томонидан очилди. “Хоразм” сафида тожикистонлик ҳужумчи Шаҳром Самиев дарвозабон Абдувоҳид Неъматовни доғда қолдириб, ҳисобни очди. Бироқ орадан бир дақиқа ҳам ўтмай, “Насаф” ҳисобни тенглаштирди. 45+1-дақиқада Шароф Муҳитдинов Драган Чераннинг аниқ пасидан кейин рақиб дарвозасини ишғол қилди.
Иккинчи бўлимда ҳам жамоалар фаол ҳаракат қилди. 79-дақиқада Ойбек Бозоровнинг ажойиб ҳаракатлари натижасида Шерзод Насруллаев тўпни дарвозага йўллаб, “Насаф”га муҳим уч очкони тақдим этди.
Ушбу ғалабадан сўнг “Насаф” 52 очко билан турнир жадвалида якка пешқадамликни сақлаб қолди. “Хоразм” эса 20 очко билан 14-ўринда қолмоқда.
Ўзбекистон Суперлигаси
23-тур
“Насаф” — “Хоразм” 2:1
Голлар: 0:1 — Самиев (45), 1:1 — Муҳитдинов (45+1), 2:1 — Насруллаев (79)
