Хабар қилинишича, Асака туманида яшовчи 2001-йилда туғилган Х.Ж шу йилнинг 8-июн куни тонгги соат 4:30 ларда Асака тумани, Қадрият маҳалласи ҳудудида фуқароларнинг тинчини бузиб, шериклари 2003-йилда туғилган С.М. ва 2002-йилда туғилган О.М.лар билан бирга, 2004 -йилда туғилган Х.Д.ни ўзаро келишмовчилик ортидан уриб дўппослаган.
Унга енгил тан жароҳати, 1997-йилда туғилган фуқаро Р.Б.га эса ўртача оғир тан жароҳати етказишган. Ушбу ҳолат юзасидан шу куннинг ўзида фуқаролар Х.Ж, С.М. ва О.М.ларга нисбатан Жиноят кодексининг 277-моддаси 3-қисми “г” банди билан жиноят иши қўзғатилиб, айбланувчиларга "қамоққа олиш" тарзидаги эҳтиёт чораси қўлланилган.
Жиноят иши бўйича тергов ҳаракатлари тамомланиб, 8-июл куни айблов хулосаси билан суд муҳокамасига юборилган. Жиноят ишлари бўйича Асака тумани суди томонидан 27-август куни судланувчилар Х.Ж, С.М.ва О.М.ларнинг хар бирига нисбатан 3 йил муддатдан озодликни чеклаш жазолари тайинланди.
