Хитой мамлакат жануби-ғарбидаги Тибет автоном ҳудудида жойлашган Ярлунг-Сангпо дарёсининг қуйи оқимида гидроэнергетика лойиҳасини қуришга расман старт берди. Бу ҳақда ХХР Давлат кенгаши веб-сайтида маълум қилинди.
Лойиҳага киритилаётган инвестицияларнинг умумий ҳажми тахминан 1,2 триллион юан, яъни 167,2 миллиард АҚШ долларига тенг.
Power China қурилиш компанияси ҳисоб-китобларига кўра, ГЭС йилига 300 миллиард кВт/соат электр энергияси ишлаб чиқариши мумкин.
Та`кидланишича, гидроэнергетика лойиҳасини амалга ошириш билан China Yajiang Group компанияси шуғулланмоқда, у қурилиш тугаллангандан сўнг объектдан фойдаланиш учун ҳам масъул бўлади.
Қурилиш тугаллангач, ушбу иншоот кўлами бўйича дунёдаги энг катта электр станциясидан Хубей вилоятидаги Янсзи дарёсида жойлашган “Санся” (“Уч дара”) тўғонли гидроэлектр станциясидан ўзиб кетиши мумкин. “Санся” ГЭСнинг лойиҳа қуввати 22,4 миллион киловаттни ташкил этади. ГЭС қурилиши 2008 йил октябрь ойида якунланган.
Январь ойида Хитой Хебей провинциясининг Ченде шаҳрида жойлашган Феннин гидроаккумуляцияловчи электр станцияси (ГАЭС) ишга туширганди.
