Ўзбекистон Суперлигаси 4-тури доирасидаги “Андижон” — “Машъал” учрашуви якунига етди. Қизиқарли ўтган баҳсда майдон эгалари 1:0 ҳисобида ғалаба қозонди.
Ўйиндаги ҳисоб 7-дақиқада Илҳомжон Абдуғаниев томонидан очилди. Абдувоҳид Ғуломовнинг узатиб берган тўпини Абдуғаниев бош билан зарба йўллаб, жамоасининг голига муаллифлик қилди.
Ўйиннинг қолган дақиқалари ҳам кескин курашлар остида ўтди, аммо таблодаги ҳисоб бошқа ўзгармади. “Андижон” мазкур ғалабадан кейин ўз ҳисобидаги очколари сонини 6 баллга етказиб олди ва онлайн турнир жадвалининг 6-поғонасидан жой олди. “Машъал” 4-турдан кейин 3 очко билан 15-ўриндан жой олди.
Ўзбекистон Суперлигаси
4-тур
“Андижон” — “Машъал” 1:0
Гол: 1:0 — Илҳомжон Абдуғаниев (7)
