Мадриднинг “Реал” клуби раҳбарияти жамоа футболчиларини Чемпионлар Лигаси чорак финалига чиқишлари муносабати билан рағбатлантиришга қарор қилди. Бу ҳақида RMC Sport нашрига таяниб, Euro-фоотбалл хабар берди.
Манбага кўра, “қироллик клуби” ЕЧЛнинг 1/8 финал босқичида “Атлетико”ни мағлуб этгани учун ҳар бир футболчисига 250 минг евродан мукофот пули тўлаган.
“Реал” нимчорак финалда ҳамшаҳари устидан пенальтилар сериясида (2:1, 0:1, пенальтилар серияси — 4:2) ғалаба қозониб, чорак финал йўлланмасига эга чиқди.
Ушбу босқичда Карло Анчелотти шогирдлари Лондоннинг “Арсенал” клуби билан тўқнаш келади. Дастлабки ўйин 8 апрель куни, жавоб баҳси эса 16 апрель санасида ўтказилиши режалаштирилган.
“Реал Мадрид” амалдаги Чемпионлар Лигаси ғолиби ҳисобланади. Ўтган йилги финалда жамоа Дортмунднинг “Боруссия” клубини 2:0 ҳисобида мағлубиятга учратган эди.
