АҚШ президенти Дональд Трамп Россия етакчиси Владимир Путин билан мулоқот қилиш ниятида эканлигини маълум қилди. Бу ҳақда Reuters агентлиги хабар бермоқда.
Агентликка кўра, Трамп бўлажак суҳбат тафсилотларига тўхталмаган, бироқ бу мулоқот натижасида муҳим натижага эришилишига умид билдирган.
Шунингдек, Трамп Россия Федерацияси ва АҚШ ўртасида “жиддий муҳокамалар” режалаштирилганини ҳам эълон қилган.
Аввалроқ Россия президентининг матбуот котиби Дмитрий Песков Россия АҚШ билан президентлар даражасида мулоқот қилишга тайёрлигини айтган эди.
Washington Post томонидан эълон қилинган материалда, АҚШ президенти Дональд Трамп Украинага ёрдам бериш ва унинг НАТОга киришига қарши чиққани хабар берилганди.
Президент Трамп Украинага бошқа ёрдам юборишни истамайди, Америка қўшинлари ҳақида гапирмаса ҳам бўлади, деб ёзади WP.
Хабарда, шунингдек, АҚШ президенти Украинанинг НАТОга киришига қарши экани таъкидланган.
Трампнинг фикрича, потенциал ўт очишни тўхтатишни назорат қилиш ва Украина ҳудудида хавфсизликни таъминлаш “Европанинг муаммоси” сифатида кўриб чиқилиши керак, деб ёзади нашр журналистлари.
