Хитой суди Чангде шаҳрида машинасини одамлар устига бостириб ҳайдаган шахсни ўлим жазосига ҳукм қилди.
Бу ҳақда Хитой марказий телевидениеси CCTV хабар берди.
"2024 йил 23 декабрда Хунан провинцияси Чангде шаҳрининг халқ суди Хуан Веннинг ишини очиқ кўриб чиқди. Айбланувчи жамиятга хавф туғдирган жинояти учун сиёсий ҳуқуқлардан маҳрум қилиниб, ўлим жазосига ҳукм этилди”, дейилади суд қарорида.
2024 йилнинг 19 ноябрь куни Хуан Вен Чангде шаҳрининг Дингченг туманидаги бошланғич мактабга кираверишда тўпланиб турган одамлар устига машинасида бориб урилган эди. Ҳодиса оқибатида 18 нафар мактаб ўқувчиси жароҳатланган.
Аввалроқ худди шундай воқеа Хитой жанубидаги Чжухай шаҳрида (Гуандун провинцияси) содир бўлган эди - 11 ноябрь куни кечқурун 62 ёшли шахс тўпланиб турган одамларга бориб урилган. Ҳайдовчи воқеа жойидан қочишга уринган, бироқ полиция томонидан қўлга олинган.
20 декабрь куни тунда Германиянинг Магдебург шаҳридаги Рождество ярмаркасида 50 ёшли асли саудиялик шахс қора рангли BMW автомобилида катта тезликда одамлар тўпланиб турган жойга бостириб кириб, теракт содир этганди.
Воқеа оқибатида 11 киши ҳалок бўлган, яна 200 га яқин киши турли даражада жароҳат олган.
