Фаластиннинг ҲАМАС ҳаракати Исроил Ғазо секторига ўт очишни тўхтаца, жангни тугатишга тайёрлигини билдирди. Бу ҳақда ҳаракатнинг юқори мартабали аъзосига таяниб, Barron’s хабар берди.
ҲАМАС делегацияси Қоҳирада Миср амалдорлари билан музокара олиб борган. Улар Ғазо секторида ўт очишни тўхтатишга алоқадор “ғоя ва таклифлар”ни муҳокама қилган. ҲАМАС жанговар ҳаракатларни тўхтатишга тайёрлигини билдирган, бироқ Исроил қуйидаги шартларни бажариши шарт:
- ўт очишни тўхтатиш мажбуриятини олиш;
- Ғазо секторидан чиқиб кетиш;
- кўчирилган шахсларнинг қайтишига рухсат бериш;
- асирлар алмашиш бўйича жиддий келишувга рози бўлиш;
- Ғазога гуманитар ёрдам киришига имкон яратиш.
Қатар ташқи ишлар вазири Муҳаммад бин Абдурраҳмон Ал Таний Миср ва ҲАМАС Ғазо секторининг келажаги бўйича музокаралар олиб борганини тасдиқлаган.
