Франция президенти Эммануэл Макрон 2023 йилда Ўзбекистонга ташриф буюрушга тайёргарлик кўрмоқда. “Newsҳуб.уз”нинг ёзишича, бу ҳақда 5 май куни Ўзбекистон инвестициялар, саноат ва савдо вазири Лазиз Қудратов маълум қилган.
“Франция президенти Макроннинг бу йил Ўзбекистонга кутилаётган ташрифи амалий аҳамиятга эга бўлиши учун икки мамлакат ҳукуматларининг саъй-ҳаракатлари талаб этилади”, — деган вазир савдо-иқтисодий ҳамкорлик бўйича Ўзбекистон—Франция ҳукуматлараро комиссияси йиғилишида.
Ўзбекистон президенти 2022 йил 21 ноябрь куни Францияга икки кунлик расмий ташриф билан борганди. Ўшанда Шавкат Мирзиёев Макронни ўзи учун қулай вақтда ташриф билан Ўзбекистонга келишга таклиф этганди.
