“Толибон” ҳаракати Афғонистонда эркак тикувчиларга аёллар учун кийим тикишни тақиқлади. Бу ҳақда Тоlо News хабар берди.
Маълум қилинишича, бу жабрланган тикувчиларнинг кенг норозилигига сабаб бўлган. Маҳаллий манбалар фақат аёлларга хизмат кўрсатадиган тикувчиларнинг аксарияти ушбу тақиқ туфайли ўз дўконларини ёпишганини хабар қилди. Тикувчилар уюшмаси вакиллари чекловлар туфайли иш ўринлари қисқариши ва айрим тикувчилар ҳатто мамлакатни тарк этишга мажбур бўлганини айтди. Бунда Парвон вилояти кўпроқ зарар кўрди, тикувчилар чекловларга қарши чиқди.
“'Толибон' аёллар кийимларини ҳали ҳам тикиш мумкинлигини айтган бўлса-да, аёлларнинг ўлчамини олиш тақиқланган”, — дейди “Толибон” расмийси Ҳикматулла Шамима.
Аввалроқ “Толибон” ҳаракати Афғонистоннинг Балх вилоятида давлат ва хусусий шифохоналар ҳамда бошқа соғлиқни сақлаш марказларида ишлайдиган эркакларга аёл беморларни, аёл шифокорларга эса эркак беморларга хизмат қилмасликни буюрганди. Аёлларга SIM карта сотиб олиш, истироҳат боғига ташриф буюриш ҳам тақиқланган. Европа Иттифоқи эса “Толибон”нинг аёлларга нисбатан янги чекловларини қоралаган.
