Тошкентнинг Шайхонтоҳур туманида Matiz тўлиқ ёниб кетди. Бу ҳақда ФВВ матбуот хизмати хабар берди.
Маълум қилинишича, 30 октябрь куни соат 15:27 да Шайхонтоҳур тумани Лайлатуғон кўчасида Matiz ёнаётгани тўғрисида шаҳар ФВБга хабар келиб тушган. Шунга кўра, 2 та ёнғин-қутқарув экипажи воқеа жойига соат 15:32 да етиб борган ва ёнғин соат 15:38 да ўчирилган.
Ёнғин оқибатида автомобиль тўлиқ ёниб зарарланган. Ёнғин натижасида фуқароларни тан жароҳати олиш ва ҳалок бўлиш ҳолатлари қайд этилмаган.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
