Энг оддий рецепт бўйича испанча ширинлик — чуррос тайёрлаб кўринг

Чуррос — испанча ширинлик бўлиб, узунчоқ ёки думалоқ шаклда бўлиши мумкин. Ширинликлар шакар упасига ботириб олинади ва дастурхонга асал ёки карамел билан тортилади. «Домашний очаг» нашри дунё ошхонасига оид мазали ширинлик рецепти билан бўлишди.

Керакли маҳсулотлар:

• сув — 150 мл;
• ун — 60 грамм;
• сариёғ — 50 грамм;
• тухум — 2 дона;
• ўсимлик ёғи, шакар упаси.

Тайёрланиш жараёни:

1. Сув идишга қуйилади ва сариёғ солиниб, эригунча иситилади. Сўнгра аралаштирилиб, ун ва туз солинади.
2. Қуюқлиги сметана сингари бўлгач, оловдан олинади.
3. Хамир совугач, 5 дақиқадан кейин тухум билан аралаштирилади, қандолат қопига қуйилади.
4. Товада ўсимлик ёғи яхшилаб қиздирилади. Қопчадан сиқиб чиқарилган ширинликлар  ёғда ҳар томони қизаргунга қадар пиширилади.
5. Ширинлик шакли таъбга кўра турли шаклда бўлиши мумкин.
6. Тайёр бўлган чурролар қоғоз салфетка устига қўйилади ва бироздан кейин шакар упасига ботириб чиқилади.

Ёқимли иштаҳа! Мавзуга доир:

• Тайёрланиши осон бўлган кокосли кекс рецепти
• Ифторликка юракча шаклидаги сариёғли печенье тайёрлаймиз
• Севимли ширинлик — мурабболи рогалик рецепти
• Атиги 7 дақиқада кружка ичига солиб пишириладиган кекс рецепти