Ёқимли таъмга эга мурабболи печенье тайёрлаб кўринг

Австралияда ширинликлар анъанавий тарзда мураббо билан тайёрланади. Бу каби мазали печеньелар сўнгра байрамга совға сифатида тақдим этилади.

Керакли маҳсулотлар:

• шакар упаси — 130 грамм;
• сариёғ — 220 грамм;
• тухум сариғи — 1 дона;
• ванилин — 1 чой қошиқ;
• ун — 350 грамм;
• мураббо — 220 грамм;
• туз.

Тайёрланиш жараёни:

• шакар упаси билан сариёғ миксерда аралаштирилади;
• устидан тухум сариғи ва ванилин қўшилади ҳамда аралаштиришда давом этилади. Ун ва туз қўшилгач юмшоқ хамир тайёрланади;
• хамир тенг иккига бўлинади ва 20—30 дақиқага музлаткичга қўйилади;
• хамирнинг иккала қисми ўртача қалинликда ёйилиб, ярми думалоқ қолиплар ёрдамида бўлакларга бўлинади. Қолгани эса юракча шакли бор бўлган қолип билан бўлакларга бўлинади;
• думалоқ хамир устига юракчали хамир териб чиқилади;
• ширинликлар қолип устига қўйилади ва қиздирилган печда 10—12 дақиқа пиширилади. Сўнгра совитишга қўйилади;
• юракчалар ичи мураббо билан тўлдирилади.

Ёқимли иштаҳа! Мавзуга доир:

• Олчали қиём қўшиб тайёрланадиган творогли ширинлик рецепти
• Классик чизкейк тайёрлаб кўринг
• Шоколад ва творогдан ажойиб таъмга эга пирог тайёрлаб кўринг
• Печда пишириш шарт эмас: атиги 4 маҳсулот билан шоколадли чизкейк тайёрлаб кўринг
• Десерт учун антиқа «профитроли» ширинлигини тайёрлаймиз