АҚШ Сенати 9 февраль, сешанба куни собиқ президент Дональд Трампга нисбатан импичмент жараёни Америка конституциясига зид эмас, деб овоз берди. Бу ҳақда The Washington Post’га таяниб, «РБК» хабар берди.
Жараённинг конституциявийлигини ёқлаб 56 сенатор овоз берди, 44 нафари қарши чиқди. Трампни Республикачилар партиясининг кўпчилик аъзолари қўллаб-қувватлади, аммо олти нафари демократ билан бирга овоз берди.
Импичмент ҳақидаги резолюция сенатга январь охирида берилган эди. Унгача жараённи бошлаш вакиллар палатасида маъқулланган эди. Бунга собиқ давлат раҳбари тарафдорларининг парламент биносига ҳужуми сабаб бўлди. Трамп қўзғолонга даъват қилишда айбланмоқда.
Капитолийга ҳужум 6 январь куни содир бўлди. Президент сайлови натижаларидан норози бўлган Трамп тарафдорлари парламент биносига бостириб кириб, Жо Байденнинг ғалабаси узил-кесил тасдиқланиши керак бўлган Конгресс мажлисини тўхтатиб қўйди. Намойишчилар ва полиция ўртасидаги тўқнашувларда беш киши ҳалок бўлди. Трамп Капитолийга ҳужумни қоралади. Бунгача эса ўз тарафдорларини Капитолий тепаликларига тинч юриш уюштиришга чақирган эди. Мавзуга доир:
