Маҳмуд Муродов UFC 257 мусобақасида промоушен президенти Дэйна Уайтга нима дегани маълум бўлди

Ўзбекистонлик UFC жангчиси Маҳмуд Муродов 24 январь куни бўлиб ўтган UFC 257 мусобақасидан кейин ўз фикрлари билан ўртоқлашар экан бошловчи Брюс Баффер ва промоушен президенти Дэйна Уайтга нималар деганини маълум қилди.

Баффер билан суҳбатда Ўзбекистон сўзини тўғри талаффуз қилишини айтдим. У ҳар доим бизнинг мамлакатни «Узбикистан» деб атайди, унга аслида «Узбекистан» бўлишини айтдим.

Дэйнадан эса менинг Instagram саҳифамга обуначи бўлишини сўрадим. У дарҳол обуна бўлди.

Маҳмуд Муродов, UFC жангчиси

Маҳмуд Муродов ва Эндрю Санчес ўртасидаги жангни бу ерда томоша қилиш мумкин — видео. Мавзуга доир:

• Маҳмуд Муродов UFC 257 даги ғалабаси ҳақида: «Жангдан аввал ўзимни яхши ҳис қилмаётгандим»
• Маҳмуд Муродов UFC’даги 3-жангида қанча маблағ ишлаб топди? UFC 257 қатнашчиларининг даромади маълум бўлди
• UFC 257 мусобақасининг бонус эгалари маълум бўлди. Улар орасида Маҳмуд Муродов ҳам бор

Муродов UFC 257 мусобақасининг асосий кардида америкалик Эндрю Санчесга (12-6) қарши жанг қилди ва учинчи раунддаги техник нокаут эвазига ғалаба қозонди.

Маҳмуд UFC’даги дебют жангида италиялик Алессио ди Кирикони (12-4) очколар ҳисобига кўра, иккинчи жангида Тревор Смитни (15-10) учинчи раундда нокаут эвазига мағлубиятга учратган.