Бухоро вилоятининг Бухоро тумани «Янгиобод» МФЙда «Усмон ибн Аффон» жоме масжиди очилди. Бу ҳақда ЎзА хабар берди.
Маълум қилинишича, Бухоро вилояти Адлия бошқармаси томонидан «Усмон ибн Аффон» жоме масжиди давлат рўйхатидан ўтказилди.
Дин ишлари бўйича қўмита томонидан хабар берилишича, Ўзбекистон бўйича масжидлар сони 2076 тага, Бухоро вилоятидаги масжидлар сони эса 106 тага етди.
Ҳозирги кунда Бухоро вилоятида фаолият юритаётган нодавлат-нотижорат ташкилотларининг сони 597 тани ташкил қилади. Диний ташкилотлар сони эса 116 тани ташкил этади. Шундан 106 таси масжидлар бўлиб, 10 таси ноисломий йўналишдаги диний ташкилотлар ҳисобланади.
Аввалроқ Самарқанд шаҳар «Машъал» МФЙда «Янгиобод» жоме масжиди очилгани ва Ўзбекистонда масжидлар сони 2075 тага етгани ҳақида хабар берилганди.
