Чеченистон раҳбари Рамзан Қодиров Путинни умрбод президентликка сайлашни таклиф қилди

Чеченистон раҳбари Рамзан Қодиров Россия президенти Владимир Путинни умрбод давлат раҳбарлигига тайинлашни таклиф қилди. Бу ҳақда «Интерфакс» хабар берган.

«Владимир Путинни умрбод президент қилиб сайлашимиз зарурлиги мен кўп гапирадиган муҳим гап. Хўш, ҳозир ким уни алмаштира олади? У каби дунё миқёсидаги етакчи сиёсатчи йўқ. Биз у билан фахрланишимиз керак», – деган Қодиров Чеченистон Республикасининг коронавирус бўйича тезкор штабидаги мажлисда. Мавзуга доир: 

• Путин коронавирус атайин тарқатилган деб гапиришга далил-исбот йўқлигини қайд этди
• Путин ҳар уч кунда коронавирусга тест топшираётганини айтди
• Путин СССР республикаларига «рус халқи томонидан берилган совғаларни» эслаб ўтди (видео)
• Путиннинг Иккинчи жаҳон уруши ҳақидаги мақоласи эълон қилинди. У Болтиқбўйи давлатларининг СССРга қўшилиши қонуний бўлгани ҳақида ёзган

Шунингдек, Рамзан Қодиров чеченистонликларни Россия Федерацияси конституциясига ўзгартириш киритиш бўйича халқ муҳокамасида қатнашиш ва овоз беришга чақирган. «Ҳозир қонун устувор бўлган давлатда яшаяпмиз. Биз буюк давлатнинг фуқароларимиз, бизнинг чечен тили – давлат тили, ислом дини биринчи ўринда туради, мусулмонлар учун масжидлар очиқ. Биз амалдорлар сиз учун, халқ учун хизмат қиламиз. Ушбу шароитлардан қониқиш сезаётган бўлсангиз, дангасалик қилмай овоз беришда иштирок этинг, ўз давлатимизни қуришимиз ва ривожланишимиз керак», – дея қўшимча қилган Чеченистон раҳбари.

Мавзуга доир: «Кимдир менинг топшириғим билан ҳаракат қилса, у буни бажаради». Рамзан Қодиров грузиялик журналистга уюштирилган ҳужум ҳақида