Лионель Месси коронавирусга қарши кураш учун 1 млн евро ажратди

«Барселона» ҳужумчиси Лионель Месси коронавирусга қарши кураш учун 1 миллион евро ажратди.

Mundo Deportivo нашрининг хабар қилишича, хайрия қилинган пуллар Барселонадаги шифохона ва Мессининг ватани Аргентинадаги тиббиёт марказига бўлиб берилади.

Пуллар коронавирусга қарши курашда керак бўладиган тиббиёт анжомлари ва ҳимоя воситалари сотиб олишга сарфланади. Мавзуга доир: 

• Футбол коронавирусга қарши: шифохоналарга ёрдам бераётган клублар, хайрия қилаётган футболчилар ва коронавирусни жангга чорлаган Златан
• «Барселона» тизимида коронавирус юқтириб олиш ҳолати кузатилди

25 март ҳолатига Испанияда COVID-19 вирусини юқтириб олганлар сони 42 мингдан ошди. 2900 нафардан ошиқ одам вафот этган. Аргентинада эса 387 та коронавирусга чалиниш ҳолати қайд қилинган, қурбонлар сони 6 нафарни ташкил этмоқда.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!