“Barselona” tizimida koronavirusga chalinish borasida ilk holat qayd etildi, deya xabar qilmoqda Mundo Deportivo.

Foto: Yandex Photos

Ta’kidlanishicha, kataloniyaliklar klubining Janubiy Amerikadagi bosh skauti Andre Kyuri va uning turmush o‘rtog‘ida virus aniqlangan.

Kyuri xotini bilan bilan birgalikda San-Pauludagi (Braziliya) uyida izolyatsiyaga olingan. Ularda hozircha yengil alomatlar sezilgan.

23-mart holatiga ko‘ra butun dunyoda koronvirusga yo‘liqqanlar soni 344 mingga yetdi, qurbonlar 15 ming nafarga yaqinlashdi. Braziliyada 1600 dan ko‘proq holat qayd etilgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!