Расман: Тимур Кападзе “Олимпик” бош мураббийлигидан кетди

ЎФА мажлислар залида Ўзбекистон U-23 жамоаси бош мураббийи Тимур Кападзе иштирокида матбуот анжумани бўлиб ўтмоқда. 

Анжуманда Кападзе “Олимпик” жамоаси бош мураббийлигидан кетганини маълум қилди:

“‘Олимпик’ клубини тарк этдим. Клуб раҳбариятига Олимпиададан кейин ярим йил дам олишимни анча олдин айтгандим. Сабаби 3,5 йил давомида умуман дам олмадим.

Терма жамоа билан 4 та катта мусобақада иштирок этдик, клуб эса Суперлигада, У-21 чемпионатида, Кубокда қатнашди. Бу одамдан каттагина куч талаб қиларди. Менимча, ‘Олимпик’ клуби йил охиригача ўз фаолиятини олиб боради. Кейинги йил нима бўлишини раҳбарият ҳал қилади. Айни пайтда ‘Олимпик’да ёрдамчиларим ишламоқда. Уларга омад тилайман”.

Эслатиб ўтамиз, Кападзе 2021 йилдан буён “Олимпик” жамоаси бош мураббийи сифатида ишлаб келаётган эди.