Европа Иттифоқи Россиянинг музлатилган маблағлари ҳисобидан Украина учун қурол сотиб олиш бўйича Венгриянинг ветосини четлаб ўтиш имконини берувчи қонуний вариантни ишлаб чиқди, дея Financial Times хабар берди.
Ушбу вақтинчалик ечим ҳар қандай қонуний ечим каби мураккаблиги, аммо иш бериши айтилган. Маълумотларга кўра, бундай қадам Венгрия Россиянинг музлатилган активларидан олинадиган фойдани сақлаб қолиш бўйича дастлабки келишувдан бош тортгани ва шу сабабли бу пулдан фойдаланиш бўйича қарор қабул қилишда иштирок этмаслиги учун зарур бўлган.
Бу қарор G7 га декабрь ойигача Украинага 50 миллиард доллар миқдорида кредит ажратишга имкон бериши мумкин, бу қарз келажакдаги даромадлардан тўланиши керак, — деб ёзади FТ нашри.
2024 йилнинг иккинчи ярмида ЕИга раислик қилувчи Венгрия ЕИнинг Украинага ҳарбий ёрдам беришига қарши. Бундан ташқари, Будапешт Украинага ҳар бири 500 миллион евродан иборат Европа Тинчлик жамғармасининг учта траншини, шунингдек, Украинага янги ёрдам фондидан 5 миллиард еврони ўз ичига олган тахминан 6,5 миллиард евро ҳарбий ёрдам ажратишга тўсқинлик қилмоқда.
Европа Иттифоқининг Украина учун қурол сотиб олиш учун санкциялар доирасида музлатилган РФ Марказий банки активларидан олинган фойдадан фойдаланиш ҳам шубҳа остида қолмоқда, — дейилади хабарда.
Изоҳ (0)