АҚШ ҳарбийлари “Исломий давлат” (ИШИД) бош етакчиси Абдулқодир Мўминга ҳаводан ҳужум қилди. Бироқ унинг ўлимини ҳозирча тасдиқлаш имкони йўқ. Бу ҳақда NBC хабар берди.
АҚШ расман Мўминни Сомалидаги террористик гуруҳ раҳбари деб атайди. Бироқ исмини сир сақлаган икки амалдор у 2023 йилда бутун ташкилотни бошқарганини маълум қилди. Вашингтон уни Сомалидаги қотилликлар, жумладан, 2019 йилда судьянинг ўлдирилиши ва 2016 йилда Пунтленд провинциясидаги шаҳарчанинг бир неча ой давомида босиб олиниши учун жавобгар деб ҳисоблайди.
Мўмин 2022 йил охирида Суриядаги жангларда ҳалок бўлган террорчилар етакчиси Абу ал-Ҳасан ал-Ҳошимий ал-Қураший ўрнини эгаллаганди. Иккинчиси май ойининг охирида Сомалида нишонга олинган.
АҚШнинг Африкадаги қўмондонлиги (AFRICOM) 31 май куни ИШИД жангариларига қарши ҳаво ҳужуми натижасида уч нафар террорчи ҳалок бўлгани, бироқ тинч аҳоли вакиллари орасида қурбонлар йўқлиги ҳақида хабар берган. Бироқ баёнотда ҳужумда ким нишонга олингани ва ҳалок бўлган жангариларнинг шахсига аниқлик киритилмаган.
ИШИДнинг Сомалидаги фаолияти
Сомалидаги ИШИД ячейкаси нисбатан кичик бўлиб, 100 дан 200 гача жангарини ўз ичига олида, уларнинг барчаси мамлакат шимолида жойлашган. Террорчиларнинг яна бошқа кичик гуруҳлари Ливия, Конго, Мозамбик ва Африканинг бошқа қисмларида мавжуд. АҚШ разведка идораларига кўра, ИШИДнинг минглаб жангарилари ҳамон Ироқ шимоли ва Сурия шимоли-шарқида фаолият юритади.
Изоҳ (0)