Эндиликда мижозлар учун Beeline тармоғига уланиш янада қулайлашди. Digital-оператор SIM-карталарни масофадан идентификация қилиш имконияти билан бутун Ўзбекистон бўйлаб етказиб бериш бўйича янги хизматни ишга туширди.
Янги хизматдан фойдаланиш осон: nomer.beeline.uz сайтига кириш, “SIM-картани етказиб бериш” опсиясини танлаш, керакли рақам ва тарифни танлаш, маълумотларни киритиш ва талабнома ҳолати ҳақида SMS-хабарни кутиш лозим. SIM-карталар бир кун ичида бепул етказиб берилади. Сўнгра, идентификацияда тўлиқ ўтиб, уяли алоқа хизматларини тақдим этиш бўйича шартнома имзоланганидан кейин, танланган тарифга уланиш ва фаоллаштириш компания ходимлари томонидан масофадан туриб амалга оширилади.
Бундан ташқари, Beeline Uzbekistan мос келувчи қурилмалар учун eSIM хизматини таклиф қилади, бу ҳам nomer.beeline.uz хизмати орқали мижозларга уйдан чиқмасдан рақамли SIM-карталарни фаоллаштириш имконини беради. eSIM — қурилманинг ўзига ўрнатилган рақамли SIM-карта бўлиб, оддий SIM-карта каби ишлайди — у барча мобил хизматларни қўллаб-қувватлайди, лекин уни жисмонан синдириш ёки йўқотиш мумкин эмас. eSIM iOS ва Android смартфонлари, баъзи планшетлар ва бир қатор ақлли соатлар моделлари томонидан қўллаб-қувватланади. Унинг асосий афзаллиги — бир вақтнинг ўзида иккита рақамдан фойдаланиш имконияти: масалан, оддий SIM-карта ва eSIM орқали. Смартфон икки ёки ундан ортиқ “рақамли” карталарни хотирасида сақлайди, зарур вақтда уларни фаоллаштириш мумкин.
nomer.beeline.uz рақамли хизмати илгари фақат жисмоний хизмат кўрсатиш офисларида мавжуд бўлган бошқа бир қатор қулай хизматларни таклиф этади. Энди мижозлар:
- Қурилмани алмаштиришда, 10 мартагача eSIM’ни масофадан туриб қайта фаоллаштиришлари мумкин.
- Рақамли оператор офисида уланиш ёки етказиб бериш хизматидан фойдаланишдан олдин рақамларни рақамли форматда кўришлари ва брон қилишлари мумкин.
- SIM-картани бутун мамлакат бўйлаб бепул етказиб бериш имкониятидан фойдаланишлари мумкин.
- Компаниянинг барча хизматларидан чекловларсиз фойдаланиш учун шахсий маълумотларини янгилашлари мумкин.
- “Чиройли” рақамларни харид қилиш учун аукционларда иштирок этишлари мумкин.
“Digital Office – бу шунчаки масофавий хизматлар учун платформа эмас. Бу мижозлар билан ўзаро муносабатда бўлиш учун комплекс ёндашув бўлиб, уйдан чиқмасдан мобил алоқа билан боғлиқ кўплаб муаммоларни ҳал қилиш имконини беради. Бу нафақат қулай ва телекоммуникация соҳасини ривожлантиришнинг замонавий тенденцияларига жавоб беради, балки мамлакатимизда рақамлаштириш жараёнини жадаллаштиришга хизмат қилади. Ишончимиз комилки, турли рақамли хизматлардан фойдаланиш имконияти — иқтисодиётни ривожлантириш ва одамларнинг ҳаёт сифатини яхшилашнинг асосий жиҳати ҳисобланади”, — дея изоҳ берди Beeline Uzbekistan тижорат директори Максим Ефремов.
nomer.beeline.uz платформасида мавжуд хизматлардан фойдаланишда, мижозлар масофадан туриб идентификациядан ўтишлари учун амалдаги шахсни тасдиқловчи ҳужжатларга эга бўлишлари керак.
***
- “Unitel” МЧЖ 2006 йилнинг 12-сентябрьидан бошлаб “Beeline Uzbekistan” савдо белгиси остида хизматлар кўрсатиб келмоқда. Beeline Uzbekistan бош қароргоҳи Амстердам шаҳрида (Нидерландия) жойлашган VEON халқаро телекоммуникация холдинги таркибига киради
- VEON 6 жадал ривожланиб бораётган мамлакатда 160 миллиондан зиёд фойдаланувчиларга эга глобал телекоммуникация ва интернет хизматларининг провайдери. Унинг акциялари NASDAQ ва Euronext Амстердам фонд бозорларида жойлаштирилган.
Сайт: beeline.uz
Facebook: fb.com/beeline.uz
Instagram: @beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: @beeline-uzbekistan
Реклама ҳуқуқи асосида.
Изоҳ (0)