Ўзбекистонда 2023 йилда маҳалла идораларининг 1733 нафар ходимига 6 млрд 107 миллион сўмлик моддий ёрдам пуллари тўлаб берилди. Бу ҳақда АОКАда ўтказилган брифингда “Маҳалла” хайрия жамоат фонди ахборот хизмати раҳбари Ҳасан Саломов маълум қилди.
Маълум қилинишича, фонд томонидан 15 минг нафарга яқин фуқарога 6 миллиард сўмдан ортиқ моддий ёрдам кўрсатилган.
Шунингдек, 1885 нафар кам таъминланган оила фарзандларига 1 миллиард 82 миллион сўмлик, ижтимоий ҳимояга муҳтож 4 ярим мингга яқин фуқарога эса 2 миллиард сўмдан кўпроқ моддий ёрдам ажратилган.
1287 нафар имконияти чекланган фуқароларга эса қарийб 1,5 миллиард сўмлик ногиронлик аравачалари, ортопедик маҳсулотлар ва эшитиш мосламалари олиб берилган.
2023 йилда фонд маблағлари ҳисобидан 466 маҳалла идорасига мебел ва компьютер жиҳозлари олиб берилган ва бунинг учун 2,5 миллиард сўмдан кўпроқ маблағ ажратилди.
Изоҳ (0)