Россиянинг Самара вилоятида иш ҳақини ололмаётган ўзбекистонликларга 5,6 минг доллар ундириб берилди. Бу ҳақда Ташқи меҳнат миграцияси агентлиги ахборот хизмати хабар берди.
Унга кўра, Самара вилоятидаги иссиқхоналарнинг бирида ишлаётган фуқаролар ҳужжатлари ва иш ҳақларини ундиришда ёрдам сўраб Ташқи меҳнат миграцияси агентлигининг мазкур ҳудуддаги вакилига мурожаат қилди.
Иш берувчи билан ўтказилган музокаралар натижасида меҳнат мигрантларининг 462 минг рубль (5600 доллар) миқдоридаги иш ҳақи ундирилиб, ҳужжатлари олиб берилди. Фуқаролар билан учрашув ўтказилиб, ҳужжатларини эҳтиёт қилиши ва қонуний ишлаш зарурлиги тушунтирилди.
Изоҳ (0)