Улуғбек Рўзиқулов яна “Ўзавтосаноат” раиси этиб тайинланди

Улуғбек Рўзиқулов “Ўзавтосаноат” компанияси бошқаруви раиси этиб тайинланди. Бу маълумотни “Дарё” манбаси тасдиқлади.

У бунга қадар 2019 йилнинг октябрь ойидан Ўзбекистоннинг Вьетнамдаги элчиси вазифасида ишлаган. 2017—2018 йилларда “Ўзбекистон ҳаво йўллари” миллий авиакомпаниясида бошқарув раиси лавозимида фаолият юритган.

Улуғбек Рўзиқулов (1969 йилда туғилган) Ломоносов номидаги Москва давлат университети битирувчиси, Россия Фанлар академияси Иқтисодиёт институти аспирантурасини тамомлаган, иқтисод фанлари номзоди ҳисобланади.

Эслатиб ўтамиз, Шавкат Мирзиёевнинг 2017 йил 23 августдаги фармони билан Улуғбек Рўзиқулов бош вазир ўринбосари — “Ўзавтосаноат” акциядорлик компанияси бошқаруви раиси — ташқи иқтисодий фаолият, экспорт салоҳияти, машинасозлик, автомобиль ва электротехника саноатини ривожлантириш, маҳсулотларни стандартлаштириш масалалари комплексининг раҳбари лавозимидан озод этилганди.