Самарқанд шаҳрида фуқароларни Мексика орқали АҚШга юбормоқчи бўлган яна бир эркак ушланди. Бу ҳақда вилоят Ички ишлар бошқармаси ахборот хизмати хабар берди.
Хабарга кўра, бошқармага фуқаро ариза билан мурожаат қилиб, Самарқанд шаҳрида яшовчи шахс фирибгарлик йўли орқали фуқароларни АҚШга жўнатиш билан шуғулланиб келаётганини айтган. У фуқароларни дастлаб, Европа давлатлари орқали Мексикага, шундан сўнг АҚШга олиб ўтиб қўйишни ваъда қилиб, ҳар бир шахс учун 40 минг доллардан сўраган.
Фуқаролар дастлаб ҳужжатларни расмийлаштириш учун 10 минг доллар бериши керак бўлган. Олиб борилган тезкор тадбирда фуқаро ариза ёзган шахсдан 10 минг долларни олаётган вақтда қўлга олинган.
Мазкур ҳолат юзасидан Жиноят кодексининг 168-моддаси 4-қисми “а” банди билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)