Равшан Эрматов ОФК Ижроия қўмитаси Марказий Осиё минтақаси вакили этиб сайланди

Баҳрайнда Осиё Футбол Конфедерациясининг 33-Конгресси 1 февраль, сешанба куни ўз ишини бошлади. 

Конгрессда ОФК Ижроия қўмитасининг ваколат муддати 2023 йилдан 2027 йилгача бўлган янги таркиби ҳамда ФИФА кенгашидаги ташкилот вакиллари сайланди.

Унга кўра,  ЎФА биринчи вице-президенти Равшан Эрматов ОФК Ижроия қўмитаси Марказий Осиё минтақаси вакили сифатида сайланди.