Ўзбекистонда Янги йил байрами кунида ҳам чироқ ўчадими? Энергетика вазири ўринбосари жавоб берди

Ўзбекистон энергетика вазири ўринбосари Шерзод Хўжаев энергоресурслар тақчиллиги бўйича энг муҳокама қилинаётган саволларга жавоб қайтарди.

Байрам куни, хусусан, Янги йилда электр энергияси билан узлуксиз таъминлаш чора-тадбирлари ишлаб чиқилганми?

Байрам кунлари, хусусан, Янги йил байрамида электр энергиясига бўлган талаб сезиларли даражада пасаяди. Чунки таълим муассасалари, ишлаб чиқариш корхоналари ўз фаолиятини вақтинча тўхтатади. Бу орқали мавжуд электр энергиясининг асосий қисми аҳолига ва айрим ижтимоий соҳа объектларига йўналтирилади. Ўйлайманки, янги йил байрамида электр бўйича муаммолар юзага келмайди.

Агар жойларда авариявий ҳолатлар юзага келадиган бўлса, тун-у кун ишлайдиган ишчи гуруҳлар фаолияти йўлга қўйилган ва ҳар қандай локал муаммолар тезкорлик билан бартараф этилади, — дейди Шерзод Хўжаев.

• «Электр ёки газдан ноқонуний фойдаланиш ҳолати ҳақида хабар берганларни рағбатлантириш керак» — энергетика вазири ўринбосари
• Ўзбекистонда январдаги каби блекаут такрорланиши мумкинми? Энергетика вазири бунга аниқлик киритди
• Газ иттифоқи, атом электростанцияси, газ тақчиллиги сабаблари. Энергетика вазири долзарб саволларга жавоб берди