«Уй-жой-коммунал хизматлар ҳақини тўлаш бўйича компенсация пул тўловларини амалга ошириш тартиби тўғрисидаги низомни тасдиқлаш ҳақида»ги молия вазирининг буйруғи муҳокамага қўйилди.
Лойиҳа Ўзбекистон президентининг 2022 йил январдаги «Аҳолининг ижтимоий ҳимояга муҳтож тоифаларини моддий қўллаб-қувватлаш тизимини янада такомиллаштириш тўғрисида»ги фармони мувофиқ ишлаб чиқилган. Унга кўра, ўзгалар парваришига муҳтож, ижтимоий нафақа олувчи ёлғиз шахсларга компенсация тўловларини жорий этиш режалаштирилмоқда.
Қуйидагилар пенсияни ҳисоблаш базавий миқдорининг 45 фоизи миқдорида ойлик компенсация олувчилари ҳисобланади:
- қонунчиликка мувофиқ 1941–1945 йиллардаги уруш оқибатида ногиронлиги бўлган шахслар ва унинг қатнашчиларига тенглаштирилган шахслар;
- ўзгалар парваришига муҳтож ёлғиз пенсия ёки нафақа олувчи шахслар;
- Совет Иттифоқи Қаҳрамонлари, Социалистик Меҳнат Қаҳрамонлари ва «Слава» орденининг учала даражаси билан мукофотланган шахслар;
- фашист концлагерларининг собиқ вояга етмаган маҳбуслари;
- Ленинград шаҳри қамали даврида ишлаган шахслар;
- кўриш қобилияти бўйича I гуруҳ ногиронлиги бўлган шахслар;
- Чернобил ҳалокати оқибатида жабрланган шахслар;
- ядро полигонлари ва бошқа радиация-ядро объектларида ҳарбий хизматни ўтаган шахслар.
Аввалроқ Ўзбекистонда ижтимоий ҳимояга муҳтож аҳолига 400 минг сўмгача моддий ёрдам кўрсатилиши тўғрисида хабар берилганди.
Изоҳ (0)