«Қалпоқ» ҳажвий кўрсатувида Фармон образи билан танилган Муҳтор Ҳалимов кўрсатувнинг эфирга чиқмаган сонлари нима сабабдан тақиқга учрагани ҳақида гапириб берди.
Актёр бу ҳақида YouTube’даги YashinTV каналига берган интервьюсида маълум қилди.
Кўрсатувимизнинг кўп сонлари эфирдан ўтмаган. Масалан, биттасини айтиб бераман. Раҳматли Диас Раҳматов устозимиз билан эсдалик бўлиб қолсин деб, уларни кўрсатувимизнинг бир сонига таклиф қилгандик. Устозимиз ҳам рози бўлганлар.Менда ўша пайтларда Tico автомобили бўларди. Кўрсатувда мен ўша машинани ҳайдаб кетаётган эпизодда, Диас ака йўловчи бўлиб таксига чиқади. Биз эътибор бермаганмиз, сиёсат ўша пайтда шундай экан-да: Диас ака бошида оқ дўппи билан чиққан. Ўша оқ дўппи учун айнан шу сон эфирга кетмаган. Нима? Ким у? Ваҳобийми у? Битта мисоли шу. Кейин баъзи сонларида сиёсатга теккан жойлари бўлгандир балки. Одам хом сут эмган банда-да, хато қиламиз.
Ҳазилларимизнинг бирида теппароқда ишлайдиган бир одамнинг фамилияси кетган, шу сабабдан ўша сонимиз ҳам ўтмаган, ҳайронман бундай фамилия битта унда борми?
Муҳтор Ҳалимов, «Қалпоқ» ҳажвий кўрсатуви актёри
Мавзуга доир:
- «ЙПХ ходимлари ‘Қалпоқ’нинг аламини мендан олди». Искандар Ҳамроқулов қайси мавзуларда ҳазил қилишдан қўрқиши ҳақида гапирди (видео)
- «Шўрданак» ва «Қалпоқ» кўрсатувлари ижодкорлари ЙПХ ходимлари ҳақидаги ҳазиллари учун узр сўради (видео)
- «Кутилган натижанинг тескариси бўлди. Энди бундай роликлар тайёрланмайди». ИИВ — «Шўрданак» ва «Қалпоқ» атрофидаги шов-шувлар ҳақида
Изоҳ (0)