Ўзбекистонда 17 июнь соат 10:00 ҳолатига кўра коронавирусга чалинганлар сони 68 кишига кўпайиб, 5561 нафарга етди. Бу ҳақда Соғлиқни сақлаш вазирлиги хабар бермоқда.
Маълумотларга кўра, янги касалланиш ҳолатларининг 62 нафари карантин марказидаги фуқаролар орасида, 6 нафари Сурхондарё вилоятида (шундан 4 нафари коронавирусга чалинганлар билан мулоқотда бўлиб карантинга олинган, 2 нафари аҳоли орасида) аниқланган.
Айни пайтда қадар Ўзбекистонда 4096 нафар коронавирус инфекциясига чалинган фуқаролар (76 фоиз) соғайган.
«Ҳозирда 1446 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 13 нафари оғир аҳволда», — дейилади хабарда.
Аввалроқ 16 июндан бошлаб Термиз шаҳрига кириб-чиқиш вақтинча тўхтатилгани тўғрисида хабар берилганди.
Эслатиб ўтамиз, эпидемия бошланганидан бери Ўзбекистонда COVID-19 асоратлари оқибатида жами 19 нафар, шундан июнь ойининг ўзида 4 нафар бемор вафот этди.
Изоҳ (0)