Хитойда хантавирус оқибатида вафот этиш бўйича биринчи ҳолат қайд этилди, деб хабар беради Global Times.
Юньнань провинциясида истиқомат қилувчи фуқаро чартер автобус билан қўшни провинцияга кетаётган бўлган. Фуқаро автобусда тўсатдан вафот этгач, шифокорлар унга хантавирусли кардиопульмонал синдроми ташхисини қўйган. Ушбу касаллик хантавирус номи билан машҳур вирус оқибатида юзага келади. Автобусда бўлган 32 нафар йўловчи карантинга олинган. Ҳозирда хантавирус билан касалланган бошқа беморлар ҳақида маълумот йўқ.
Хантавирус одамдан одамга юқмайди. Уни сичқонлар ташийди. Сичқон теккан озиқ-овқат маҳсулотлари ва айниқса сичқон ахлати хантавирус ташувчиси ҳисобланади.
Мавзуга доир: Ердаги энг хатарли тўққиз вирус
Изоҳ (0)