«Ўзметкомбинат» АЖда илгари хориждан импорт қилинган маҳсулот ишлаб чиқарилмоқда
Жорий йилнинг 1 ноябрь куни Ўзбекистон Республикаси Ташқи иқтисодий фаолият миллий банки томонидан Тошкент вилоятининг Бекобод шаҳри «Ўзметкомбинат» АЖсига ОАВ вакиллари иштирокида пресс тур ташкил этилди. Пресс турнинг асосий мақсади — Ўзбекистонда илк бора ферросилиций ва ферросилициймарганецни ишлаб чиқариш жараёни билан яқиндан таништириш.
2016 йил 28 декабрдаги Ўзбекистон Республикаси Вазирлар Маҳкамасининг 954-сонли фармойишига асосан Ўзбекистон Республикаси Ташқи иқтисодий фаолият миллий банки Кореянинг экспорт-импорт банки маблағлари синдикатини яратиш орқали «Ўзметкомбинат» АЖда ферросилицийни ишлаб чиқаришни йўлга қўйиш мақсадида молиялаштирувчи банк сифатида танлаб олинди.
Лойиҳа доирасида бир йилда 15 000 тонна ферросилиций ишлаб чиқариш кўзда тутилган. Лойиҳанинг умумий ҳисоби 36 млн АҚШ долларини ташкил этади. Ўзмиллийбанк Кореянинг Эксимбанки жалб қилган сармояси ҳисобидан 6,48 млн АҚШ долларини молиялаштирилиши йўлга қўйилди. Кредит маблағлари тўлиқ ўзлаштирилди. Дастур доирасида етказиб берилган техникалар ўрнатилди ва тўлиқ жараёнда иш олиб бормоқда.
Шу билан бирга, мутахассисларни ўқитиш ҳам амалга оширилди. Ферросилицийни ишлаб чиқариш объекти 2018 йилнинг 30 августидан экспулатация туширилди.2017 йил 16 майдаги Ўзбекистон Республикаси Президентининг 4938-сонли қарори ижросини таъминлаш мақсадида Ўзмиллийбанк Кореянинг Эксимбанки жалб қилган сармояси ҳисобидан 5,7 млн АҚШ доллари ферросилициймарганет ишлаб чиқаришни молиялаштириш учун ажратилди.
Лойиҳанинг умумий суммаси 23,8 млн долларни ташкил этиб, бир йилда 10,000 тоннани ташкил этиши кўзда тутилган. 2018 йилнинг 7 декабрь куни объект тўлиқ экспулатацияга туширилди. Кредитлар 1 йил имтиёз билан 5 йил муддатга ажратилди. Шунингдек, иккала маҳсулотни ишлаб чиқаришда жами 290 та янги иш ўринлари яратилди.
Ферросилиций ва ферросилициймарганец қора металлга эгилувчанлик хусусиятини берувчи маҳсулотдир.Президентимизнинг ташаббуси билан ўзимизда ишлаб чиқаришни йўлга қўйилган ушбу маҳсулотга 10тадан ортиқ хориж давлатларидан буюртмалар келиб тушмоқда. Илгари ферросилиций ва ферросилициймарганец хориждан импорт қилинган.
Мутахассиларнинг фикрича, ҳар йили бу маҳсулотни сотиб олиш учун давлатимиз томонидан 15 млн АҚШ доллари сарфланган. Эндиликда у нафақат ички бозорни қоплайди, шунингдек экспорт ҳам қилинади.
Реклама ҳуқуқи асосида.
