Бош прокуратура ҳузуридаги иқтисодий жиноятларга қарши курашиш департаменти Сирдарё вилоятининг Ширин шаҳрида уй-жой қурилишида хусусий тадбиркор томонидан талон-торожликка йўл қўйилганини аниқлади. Бу ҳақда Бош прокуратура матбуот хизмати «Дарё»га хабар берди.
Департаментнинг Ширин шаҳар бўлими томонидан ўтказилган терговга қадар текширувда, «И.М.Қ.» МЧЖ раҳбари А.Қ. ва бошқалар шартномага асосан Ширин шаҳрида уй-жойларни қуриш учун буюртмачи томонидан молиялаштирилган 1,4 миллиард сўм пул маблағларидан 426,9 миллион сўмини амалда бажарилмаган қурилиш ишларини далолатномаларга қўшиб ёзиш орқали талон-торож қилингани аниқланган.
Мазкур ҳолат юзасидан А.Қ. ва бошқаларга нисбатан ЖКнинг 167 ва 228-моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)