Сурхондарё вилоятида Искандар Зулқарнайннинг шахсан ўзи асос солган шаҳар-қалъа топилди. Sputnik’нинг хабар беришича, бу ерда йирик археологик қазиш ишлари ҳали ҳам давом этмоқда.
Кампиртепадаги археологик қазишмалар қирқ йилдан кўпроқ вақт давомида — 1978 йилдан бери давом этмоқда. Унга академик Эдвард Ртвеладзе бошчилик қилмоқда. Аввалига у бу ҳудудда қадимий Пандаҳиён манзилгоҳи жойлашган, деб тахмин қилган. Аммо кўп изланишлардан сўнг олимлар ушбу жой бир неча минг йиллик порт-шаҳар — Окс Искандарияси эканлигини аниқлади. Бундай оламшумул кашфиёт 25 август куни чақирилган махсус форумда эълон қилинган.
Ноёб мажмуа қалъа ва тузилишига кўра амфитеатрни эслатувчи, атрофини ўраб турувчи бинолардан иборат. Олимларнинг ҳисоб-китобига кўра, Уйғониш даврида бу ерда қарийб 900 нафар аҳоли яшаган. Иккинчи асрнинг ўрталарида Амударёнинг сатҳи кескин кўтарилгандан сўнг одамлар бу ерни тарк этган.
Ҳозирда археологлар ва мутахассислар қадимий шаҳар харобаларида ноёб артефактларни ўрганиб, улар устида ишлашда давом этмоқда.
Окс Искандария шаҳри қандай кўринишга эга бўлганини ушбу 3D видеолавҳада ва унинг ҳозирги кўринишини қуйидаги суратларда томоша қилинг.
Изоҳ (0)