«Реал» Гарет Бэйлнинг нархини эълон қилди

«Реал» Гарет Бэйл трансфери учун 80 миллион евролик таклифларни кўриб чиқишга тайёр.

ESPN’нинг клубдаги манбасига таяниб хабар беришича, футболчи трансфери борасида ҳеч қайси бир клуб мадридликларга расмий таклиф билан чиқмаган. Уэльсликнинг ўзи ҳам Мадридда қолмоқчи.

«Реал» бош мураббийи Зинедин Зидан эса Бэйлни режасига киритмаган. Бироқ 30 ёшли ҳужумчи жамоани тарк этиш нияти йўқ, Бэйл клуб президенти Флорентино Перес уни қўллаб-қувватлашини хоҳламоқда.

Маълумот учун, ҳужумчи «Реал»да йилига 17 миллион евро ишлаб топади ва унинг клуб билан тузган шартномаси яна 3 йил амал қилади. Шу сабабли вазият мураккаблашган.

Аввалроқ футболчини «Тоттенҳэм» 60 миллион евро эвазига ортга қайтаришга тайёрлиги ҳақида хабар берилганди.

Эслатиб ўтамиз, Бэйл 2018/19 йилги мавсум Испания чемпионатида 29 та учрашувда майдонга тушиб, 8 та гол урди ва 3 та голга ассистентлик қилди.