Қирғизистоннинг Ўзбекистондаги элчиси Ибрагим Жунусов яқинда «Тошкент—Томчи—Тошкент» (Иссиқ-кўл) йўналиши бўйича чартер рейслари тиклангани ҳақида маълум қилган эди.
Мазкур йўналиш бўйича рейслар 27 июндан бошлаб А-320 самолёти орқали ҳафтада бир марта пайшанба кунлари амалга оширилади. Парвоз вақти 1,5 соатни ташкил этиб, белгиланган жойга қисқа фурсатда етиб бориш имконини беради.
«Ушбу авиарейсдан 2017 йилда Ўзбекистоннинг мингдан ортиқ сайёҳлари фойдаланган», — деб қайд этган Жунусов.
Элчининг сўзларига кўра, Қирғизистоннинг Ўзбекистондаги элчихонасида ўзбекистонлик сайёҳлар учун транспорт логистикасини яхшилаш мақсадида бошқа тадбирлар ҳам амалга оширилмоқда.
Хусусан, 2019 йилнинг 6 июнидан бошлаб йўловчи «Тошкент—Бишкек—Балиқчи—Бишкек-Тошкент» йўналиши бўйлаб темир йўл йўловчиларига хизмат кўрсатиш қайта тикланади.
«Шунингдек, ёзги сайёҳлик мавсуми учун ‘Тошкент—Бишкек—Чўлпон-Ота—Иссиқкўл’ йўналиши бўйлаб автобус қантовини йўлга қўйиш ҳам режалаштирилган. Яқин кунларда ‘Ўш—Тошкент—Ўш’ йўналиши бўйича авиарейс ҳам пайдо бўлади», — деб таъкидлаган элчи.
Қайд этилишича, 2018 йилда Ўзбекистондан Қирғизистонга 3 295 804 нафар (2017 йилда — 380 мингдан ортиқ) одам борган. Шу тариқа, Ўзбекистонлик Қирғизистонда дам олган сайёҳлар сонига кўра Россия ва Қозоғистон сайёҳларини ортда қолдириб, биринчи ўринга чиққан.
Изоҳ (0)