2019 йилнинг учинчи кварталидан бошлаб «Ipak Yo‘li» акциядорлик инновация тижорат банки Master Card тизими карталарига хизмат кўрсатишни бошлайди. Банк вакилларининг хабар беришларича, ҳозирги кунда керакли техник тайёргарлик ишлари олиб борилмоқда.
«2018 йилда биз тўлов тизимида принципиал, яъни тўғридан-тўғри аъзоликни қўлга киритдик. Ҳозирги кунда эквайрингни Master Card стандартларига мослаш жараёнини олиб бормоқдамиз. Эквайрингни ўзимизнинг терминал ва банкоматлар тармоғида учинчи кварталда ишга туширишни режалаштирганмиз», – деб таъкидлади улгуржи бизнесни ривожлантириш бошқармаси бошлиғи Умид Исмоилов.
Эслатиб ўтамиз, 2018 йил ноябрида «Ipak Yo‘li» банки ўзининг кенг банкомат тармоғини яратиш бўйича лойиҳага қўл урган эди. Ҳозирги кунда ушбу банкоматлар Visa ва Union Pay халқаро карталарига хизмат кўрсатишмоқда.
Банк мутасаддиларининг фикрича, Master Card эквайрингини йўлга қўйилиши халқаро карталарга хизмат кўрсатиш бозорини қамраб олишга имкон беради, негаки Ўзбекистонга ташриф буюрувчи сайёҳларнинг 50% айнан шу тизимдаги карталардан фойдаланишади.
Шу билан бирга «Ipak Yo‘li» банки Master Card карталарини эмиссия қилишни режалаштирган.
Ушбу лойиҳа 2019 йилнинг тўртинчи кварталида амалга оширилиши кўзда тутилган.
Реклама ҳуқуқи асосида.
Изоҳ (0)