Марко Ройс яна бир мукофотга эга бўлди

«Боруссия Дортмунд» клуби ярим ҳимоячиси Марко Ройс Дортмунднинг 2018 йилдаги энг яхши спортчиси деб топилди. Бу ҳақда RuhrNachrichten нашри хабар берди.

RuhrNachrichten ўқувчилари ҳамда «Радио 91.2» тингловчилари орасида сўровнома ўтказилди. Унда 11 300 га яқин овоз берувчилар қатнашди.

Сўровнома якунига кўра, Ройс 51,9 % овоз тўплади. Кейинги ўринларни академик эшкак эшиш бўйича олимпиада чемпиони Рихард Шмидт (25,1%) ва енгил атлетикачи Муҳаммад Моҳумед (23%) банд қилган.

Эслатиб ўтамиз, жорий мавсумда Марко Ройс 19 та учрашувда иштирок этиб, 13 та гол урди ва 8 та голга ассистентлик қилди.