Американинг Time журнали АҚШ президенти Дональд Трамп нашр таҳририяти уни яна бир бор «Йил одами» деб эълон қилиш имкониятини кўриб чиқаётгани ҳақида ёзиб қолдирган сўзларини инкор этди, деб хабар берди «ТАСС».
Аввалроқ, Трамп ўзинг Twitter’даги саҳифасига Time журнали вакиллари унга қўнғироқ қилиб, у яна бир бор ушбу «унвон»га лойиқ топилиши мумкинлигини ҳақида хабар қилганини, бироқ президент таклифни рад этганини ёзиб қолдирган эди.
«Президент биз ‘Йил одами’ни қандай танлашимиз борасида ноҳақ. Time 6 декабрь куни сўровлар натижаси (ғолибнинг исми) эълон қилингунига қадар изоҳ бермайди», — деб ёзади Time ўзининг Twitter’даги расмий саҳифасига.
Журнал раҳбарияти вакили Алан Мюррей Трампнинг сўзларида «бир томчи ҳам ҳақиқат йўқлигини» билдирди.
Time журнали талқини бўйича «Йил одами» 1927 йилдан буён ҳар йили аниқланади. 1950 йилга қадар «унвон»га аниқ шахслар номзод бўлган бўлса, кейинроқ унга мавҳум персонажлар ҳам эга бўла бошлаган.
Изоҳ (0)