Лондон мэри Содиқ Хон Буюк Британия «шафқатсиз ва шармандали» ҳаракатларни амалга ошираётган АҚШ президенти Дональд Трампнинг ташрифини рад этиши кераклигини таъкидлади. Бу ҳақда «Газета.ru» хабар бермоқда.

Мамлакат парламентида Трампнинг қиролича Елизавета II таклифига асосланган Буюк Британияга ташрифи масаласи 20 февраль куни кўриб чиқилиши режалаштирилган. Муҳокама олдидан Содиқ Хон мазкур ташриф бўйича ўз фикрини билдирди.

Хусусан, унинг сўзларига кўра, етти мамлакат аҳолисига АҚШга киришни вақтинча тақиқлаш ҳамда қочоқларни қабул қилишни вақтинча тўхтатиш «АҚШ президенти олдида қизил гиламни ёймаслик» учун етарлича асос саналади.

Мен Американи, америкаликларни яхши кўраман ва ишонаманки, мамлакатлар ўртасидаги илиқ муносабатлар — бу яхши… бирор ким билан дўстлашсангиз, ўртада илиқ муносабатлар бўлса, фикрларингиз турлича бўлса ҳам, албатта, дўстларингизни қўллаб-қувватлайсиз. Бироқ улар ноҳақ бўлса, сиз бу ҳақда айтасиз.

Содиқ Хон, Лондон мэри

Маълум қилинишича, АҚШнинг аввалги президентлари Буюк Британия қироличасидан таклифни узоқроқ муддат давомида кутган. Жумладан, Буюк Британияга Барак Обама президент бўлганидан 758 кун ўтиб, кичик Жорж Буш 978 кундан сўнг таклиф этилган.

Трамп эса бор-йўғи етти кундан сўнг таклиф этилди.