Дональд Трампнинг маслаҳатчиси Янги Зеландия фуқароси бўлиб чиқди
Дональд Трампнинг маслаҳатчиси, PayPal’нинг асосчиларидан бири Питер Тиль нафақат АҚШ, балки Янги Зеландиянинг ҳам фуқароси бўлиб чиқди. Буни The New Zealand Herald газетаси журналистлари аниқлади, деб ёзади Meduza.
2015 йилда Питер Тиль Янги Зеландияда Ванака кўли соҳилидан уй харид қилди. Бу ерлар алоҳида мақомга эга бўлганлиги сабабли у чет эллик сифатида уй сотиб олиш учун рухсат олиши керак эди. Журналистлар аниқлик киритиш учун расмийларга мурожаат қилди. Улар рухсат керак бўлмаганлиги, чунки Тил Янги Зеландия фуқароси эканлигини маълум қилди.
Парламентдаги мухолифат вакиллари мазкур ҳолат бўйича тушунтириш берилишини талаб қилди. Собиқ ички ишлар вазири Нэтан Гай Питер Тилга мансабдорлар маслаҳатига кўра фуқаролик берганлигини маълум қилди. У америкалик бизнесменга фуқаролик тақдим этилишининг бошқа тафсилотларини эслай олмади.
Одатда Янги Зеландия фуқаролигини олиш учун беш йил давомида 1 350 кундан кам бўлмаган муддат мобайнида мамлакатда яшаш лозим. Питер Тиль мамлакатда шунча вақт ўтказмаган. Фуқаролик олишдан бир ой аввал Тиль зилзиладан жабрланганларга миллион доллар ёрдам ўтказган. Янги Зеландия ҳукумати Питер Тиль фуқароликни сотиб олганлигини рад этмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
