Голландиялик футбол мутахассиси, Россия терма жамоаси собиқ бош мураббийи Гус Хиддинк ушбу мамлакат термасига ёрдам бериш учун тайёр эканини билдирди. Бу ҳақ NOS нашри хабар бермоқда.
«Агар Россия термасига ёрдам бера олсам, бу ишни қиламан. Россия ҳам спорт, ҳам имиж нуқтаи назаридан қийин аҳволда қолди. Айни дамда спорт мамлакатни қийин аҳволдан чиқара олади», – деди Хиддинк.
Россия терма жамоаси Евро–2016 турнири гуруҳ босқичида омадсиз иштирок этиб, сўнгги ўринни эгаллади ва мусобақа билан хайрлашди. Шундан сўнг, Россия футбол уюшмаси 2015 йилнинг август ойидан буён терма жамоа бош мураббийи лавозимида ишлаб келаётган Леонид Слуцкийнинг ўрнига янги номзод излашни бошлагани ҳақида хабар берилганди.
Маълумот учун, Гус Хиддинк 2006–2010 йиллар давомида Россия термасида бош мураббий бўлиб ишлаган.
Изоҳ (0)