Facebook’даги «Шайх Муҳаммад Содиқ Муҳаммад Юсуф сабоқлари» саҳифасида марҳум диний арбобнинг афсонавий боксчи Муҳаммад Али билан бирга тушган фотосурати эълон қилинди.
«Шайх Муҳаммад Содиқ Муҳаммад Юсуф ва афсонавий боксчи Муҳаммад Али кўришмоқда», — деб изоҳ берилди фотосуратга.
Ижтимоий тармоқ фойдаланувчилари муҳокама чоғида фотосурат қаерда олинганини ойдинлаштиришга уринди. Кўпчилик сурат 1978 йилда — Муҳаммад Али Тошкентга ташриф буюрганида туширилганини эҳтимолга яқин тахмин деб ҳисоблади. Фотосуратни жойлаштирган саҳифа маъмури, ўз навбатида, бу масала аниқлаштирилиб, қўшимча тарзда ёзиб қўйилишини айтди.
Муҳаммад Али 3 июнь куни Финикс шаҳридаги шифохонада оламдан ўтди.
Изоҳ (0)